Plantun de Prouvènço

Pèr coumpara dos planto d'encò nostre

Campanula rotundifolia subsp. macrorhiza & Scleranthus annuus

Campaneto(-di-fueio-redouno)

Campanula rotundifolia subsp. macrorhiza

Campanulaceae

Autre noum : Campanello(-di-fueio-redouno).

Nom en français : Campanule à grosses racines.

Descripcioun :
Aquesto campaneto èi coumuno en basso Prouvènço. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. macrorhiza, que trachis tipicamen dins li pertus de paret e roucas, a uno racino mai espesso que la subsp. rotundifolia.

Usanço :
Es uno planto manjadisso. La racino sèmblo apasima li doulour.

Port : Erbo
Taio : 5 à 60cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Campanula
Famiho : Campanulaceae

Ordre : Asterales

Coulour de la flour : Vióuleto
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 2200 m
Aparado : Noun

Liò : Roucas
Estànci : Termoumediterran à Coulinen
Couroulougi : Ouroufito-Sud-Ouèst-Aupenco
Ref. sc. : Campanula rotundifolia subsp. macrorhiza (J.Gay ex A.DC.) Bonnier & Layens

Gnavello(-de-l'an)

Scleranthus annuus

Caryophyllaceae

Nom en français : Gnavelle annuelle.

Descripcioun :
Aquelo planto, proun ramificado, se tirasso sus la sablo e lis endré trepeja. Sus si tijo se podon vèire uno à dos bando de péu crespu. Li fueio soun redo e en long. Li flour, verdo, soun pas bèn grosso e fan d'enflourejado agroumelado. La subsp. presentado eici, emé de flour gaire duberto e que trachis dins li mitan primàri, ié dison polycarpos. Coumpara emé la gnavello-renadivo.

Usanço :
Fai partido dóu group (38 meno) de flour dicho "de Bach". Ramenten que lou mege, Dr Edward Bach (1886-1936), adoubè de poutingo de flour que dèvon "armounisa l'equilibre epsichique de la persouno". La gnavello permetrié de prendre de decisioun. En Poulougno, au siècle passa s'acampavo li babo de vermèu (Coccus Polonicus) que reston sus li racino pèr n'en faire un coulourant rouge.